نئی دہلی،30دسمبر(آئی این ایس انڈیا) منشیات کنٹرول بیورو (این سی بی) کی کم مقدار میں بھنگ رکھنے والے افراد کو پکڑنے پراگرچہ تنقیدکی جاسکتی ہے لیکن یہ بڑے اسمگلروں کو منشیات فروخت کرنے دینے اور لوگوں کی زندگیوں کو تباہ کرنے کی اجازت نہیں دے سکتاہے۔ یہ بات ایجنسی کے سربراہ راکیش استھانا نے کہی ہے۔ انہوں نے عالمی انسداد دہشت گردی کونسل کے زیر اہتمام ایک آن لائن کانفرنس میں کہا کہ ملک میں منشیات کی اسمگلنگ اور استعمال کی صورتحال انتہائی سنگین ہے۔ استھانہ نے منگل کو کہاکہ منشیات کی اسمگلنگ کے تناظر میں ہندوستان ’گولڈن کریسنٹ ‘- پاکستان، افغانستان اور ایران اور ’گولڈن ٹرائنگل ‘- میانمار، لاؤس اور تھائی لینڈ کے مابین واقع ہے۔

دراصل اسے موت ہلال اور موت مثلث کہا جاسکتا ہے۔ انہوں نے کہاکہ دنیا کی 95 فیصد ہیروئن ان دو علاقوں میں تیار کی جاتی ہے۔ ہیروئن کو میانمار اور پاکستان-افغانستان سے دیگر ممالک بھیجا جاتا ہے۔پورا شمال مشرق اور شمال مغرب بری طرح متاثر ہے۔ (منشیات کی اسمگلنگ سے) کمائی گئی رقم بہت زیادہ ہے۔انہوں نے کہا کہ ملک میں منشیات کی لت کا مسئلہ بہت بڑا ہے اور جب تک کہ ریاستی ایجنسیاں اس کی حمایت نہیں کرتی ہیں، صرف مرکزی ایجنسیاں ہی اس سے نمٹ سکتی ہیں۔ این سی بی کے سربراہ نے کہاکہ ہمیں بہت تنقید کا سامنا کرنا پڑتا ہے کہ ہم تھوڑی مقدار والے بھنگ فروشوں کو کیوں پکڑ رہے ہیں؟، مسئلہ چھوٹا یا بڑا نہیں ہے، مسئلہ یہ ہے کہ ہم ان سمگلروں یا مافیا کو نشہ آورادویات فروخت کرنے کے لئے کھلی جگہ دے رہے ہیں۔

یہ ایک پیچیدہ مسئلہ ہے اور اس کا حل بہت آسان نہیں ہے۔ انہوں نے کہاکہ صرف ایک ہی چیز جو ہمیں ہونی چاہئے سنجیدہ ہونا چاہئے، ہم کوشش کر رہے ہیں کہ ریاستی پولیس ایجنسیوں کو اس مسئلے سے آگاہ کریں اور ان سے سپلائی روکنے کے لئے کوئی مہم چلانے کی اپیل کریں۔انہوں نے کہا کہ اگر سنجیدگی سے کام کیا جائے اور اجتماعی اور مربوط طریقے سے کام کیا جائے تو یہ مسئلہ ضرور حل ہوگا۔ این سی بی کو حال ہی میں بہت کم مقدار میں منشیات پکڑنے پر تنقید کا نشانہ بنایا گیا تھا لیکن ماہرین کا کہنا ہے کہ وفاقی ایجنسی کو غیر قانونی تجارت میں ملوث بڑے گروہوں پر توجہ دینی چاہئے۔